Illejla l-komunità se terġa’ tingħaqad flimkien għal serata ta’ festa ad unur Santa Marija, quddiem il-Knisja ta’ Santa Marija tal-Indirizz f’Ħaż-Żabbar.
Iċ-ċelebrazzjoni tibda fis-6:30pm bil-Quddiesa, u wara l-funzjoni reliġjuża l-festa tkompli b’serata mimlija divertiment għall-familja kollha.
Dawk preżenti se jkunu jistgħu jgawdu minn kant u mużika, jieħdu sehem fit-tombla, filwaqt li għat-tfal se jkun hemm diversi logħob u attivitajiet. Matul is-serata se jkun hemm ukoll ikel u xorb għall-bejgħ.
Din se tkun okkażjoni sabiħa biex il-familji, il-ħbieb u l-komunità kollha jiltaqgħu f’atmosfera ta’ festa u għaqda, filwaqt li flimkien jiċċelebraw id-devozzjoni lejn Santa Marija.
Ilkoll mistiedna – niltaqgħu llejla!
Leave a Comment